នៅព្រឹកថ្ងៃអង្គារ ៥រោច ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៥ ខែកក្កដា ឆ្នាំ២០២៥ វេលាម៉ោង ០៨:៣០នាទី សាលប្រជុំ សាលC (អគារមិត្តិភាព) នៃទីស្តីការគណៈរដ្ឋមន្រ្តី មានសិក្ខាសាលា ស្តីពីការដាក់ឱ្យអនុវត្តគម្រោងវាយតម្លៃលើផលប៉ះពាល់នៃលិខិតបទដ្ឋានគតិយុត្ត(RIA)ក្រោមប្រធានបទ «ច្បាប់ និងលិខិតបទដ្ឋានគិតយុត្តល្អប្រសើរ សម្រាប់ការរីកចម្រើននៃសង្គម» ក្រោមអធិបតីភាពដ៏ខ្ពង់ខ្ពស់ ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាប្រធាន អនុប្រធាន សមាជិក សមាជិកាអចិន្ត្រៃយ៍ សមាជិក សមាជិកាមិនអចិន្ត្រៃយ៍មួយចំនួន ទីប្រឹក្សាជាន់ខ្ពស់មួយចំនួន ទីប្រឹក្សាបច្ចេកទេសមួយចំនួន អគ្គលេខាធិការ អគ្គលេខាធិការរង ប្រធានផ្នែក អនុប្រធានផ្នែក មន្ត្រី មន្ត្រីជាប់កិច្ចសន្យា បុគ្គលិកជាប់កិច្ចសន្យា មន្ត្រីខុទ្ទកាល័យឯកឧត្តមទេសរដ្ឋមន្រីប្រធានក.ស.វ. រដ្ឋលេខាធិការ និងអនុរដ្ឋលេខាធិការទីស្តីការគណៈរដ្ឋមន្ត្រីមួយចំនួន អគ្គនាយកដ្ឋានទាំង១០ តំណាងក្រុមប្រឹក្សាអ្នកច្បាប់ តំណាងអគ្គលេខាធិការដ្ឋានគណៈកម្មាធិការដឹកនាំការកែទម្រង់ច្បាប់ ក្រុមជំនួយការអមក្រុមការងារទទួលបន្ទុកដឹកនាំ​ និងសម្របសម្រួលកិច្ចប្រជុំអន្តរក្រសួង តំណាងក្រសួង ស្ថាប័ននានា តំណាងសាកលវិទ្យាល័យមួយចំនួន តំណាងដៃគូអភិវឌ្ឍន៍នានា តំណាងស្ថានទូតនានា និងតំណាងសភាពាណិជ្ជកម្មកម្ពុជា។